REBOLUSYON!
by Donna Alfonso
Rebolusyon!
Dugong tutulo sa leeg, sa dibdib
Manggaling sa lahat ng nakaupo
Sa tore ng kapangyarihan
Walang itira, walang buhayin
Pagapangin ang bagong silang
Bagong mundo para sa Pilipino
Pagkakataong parang hindi na
makakamit
Sa nag-uulol na sistema ng Bansa.
Rebolusyon!
Taun-taon bang gagawin?
Hanggang kailan mamamaos
Ang aming mga tinig
Sa paghiyaw ng hustisya at
Pagsusumamo sa tunay na kalayaan?
Rebolusyon!
Tunay na pagbabago ang habol
ko
Mula baba hanggang taas
Ipatangay sa buhawi
Angkan-angkang mga linta
Bunutin ang ugat mula sa ating
Lupa.
Totoong makabayan
Maglabasan muli
Kunin ang punyal, ang paltik
Gumising, magbantay
Hindi pwedeng patay na tayong
lahat
Saka pa lamang talaga’ng magmamatyag.
|